fuel price hike : पेट्रोल-डिझेल दरवाढीविरोधात काँग्रेसचे आंदोलन

महाराष्ट्रभर काँग्रेसने इंधन दरवाढीच्या विरोधात आंदोलने केली. मुंबई काँग्रेस अध्यक्ष भाई जगताप यांच्या नेतृत्त्वाखाली बोरिवलीत आंदोलन करण्यात आले. यावेळी मोदी सरकाच्या विरोधात घोषणाबाजी करण्यात आली.

मुंबई - पेट्रोल व डिझेलचे भाव (petrol diesel price hike) गगणाला भिडले आहेत. यावरून काँग्रेसने (congress) आक्रमक भूमिका घेतली आहे. मुंबईसह महाराष्ट्रभर काँग्रेसने इंधन दरवाढीच्या विरोधात आंदोलने केली. बोरिवलीत काँग्रेसने मोर्चा काढला. मुंबई काँग्रेस अध्यक्ष भाई जगताप यांच्या नेतृत्त्वाखाली हे आंदोलन करण्यात आले.

आंदोलनात आणली बैलगाडी

आज (2 जून) बोरिवली येथे मुंबई प्रदेश काँग्रेस कमिटीच्या वतीने पेट्रोल व डिझेल दरवाढ विरोधात आंदोलन करण्यात आले. त्या मोर्चात प्रथम बैलगाडी आणण्याचे ठरवले होते. परंतु मुक्या प्राण्यांना नाहक त्रास नको म्हणून बैलगाडीच्या जागी फक्त त्यांनी गाडी आणली. या आंदोलनावेळी काँग्रेस पक्षातर्फे मोठ्या प्रमाणावर केंद्र सरकार व पंतप्रधान नरेंद्र मोदी यांच्या विरोधात घोषणाबाजी करण्यात आली.

'मोदी सरकार कामगार, शेतकरी, सामान्यांच्या विरोधातील'

'सध्या पेट्रोलचा दर शंभरी पार झाला आहे. यामुळे सामान्य माणसांचे कंबरडे मोडण्याचा हा प्रकार आहे. तसेच हे सरकार हे कामगारांचे, शेतकऱ्यांचे व सामान्य माणसांच्या विरोधातील आहे', असे वक्तव्य मुंबई प्रदेश काँग्रेस कमिटीचे अध्यक्ष भाई जगताप यांनी केले.

मनमोहन सिंह सरकारचे कौतुक

'2004 ते 2014पर्यंत मनमोहन सिंग यांच्या नेतृत्त्वाखाली 10 वर्षे काँग्रेस सरकार होते. ते अतिशय सकारात्मक होते', असेही भाई जगताप यांनी यावेळी म्हटले.

हेही वाचा -खेडकर कुटुंबीयांवर दुःखाचा डोंगर; मुलीनंतर कांताबाई सातारकर यांच्या नातुचंही निधन