Sexual Harassment : शिवसेनेच्या माजी नगरसेवकावर लैंगिक छळाचा आरोप करणाऱ्या तरुणीची तक्रार मागे

शिवसेनेचे माजी नगरसेवक मंगेश सातमकर यांच्यावर लैंगिक छळाचा आरोप करणाऱ्या तरुणीची तक्रार मागे घेतली आहे. काही दिवसांपूर्वी लग्नाचे आमिष दाखवून बलात्कार केल्याचा आरोप तरुणीने केला होता. या प्रकरणी अँटॉप हिल पोलीस ठाण्यात केली तक्रार दाखल करण्यात आली होती.

मुंबई :शिसेनेचे माजी नगरसेवक मंगेश सातमकर यांनी लग्नाचे आमिष दाखवून बलात्कार केल्याचा आरोप शिवसेनेच्या एका युवतीने केला होता. मात्र आता या आरोपापासून युवतीने माघार घेतली आहे. अँटॉप हिल पोलीस ठाण्यामध्ये दाखल केलेली तक्रार मागे घेत असल्याचे प्रतिज्ञापत्र तिने दाखल केले आहे. त्यामुळे मंगेश सातमकर यांना मोठा दिलासा मिळण्याची शक्यता आहे.

बलात्कार केल्याचा आरोप : युवतीने तिच्या प्रतिज्ञापत्र म्हटले आहे की, "मंगेश सातमकर हे शिवसेनेचे प्रभावशाली नगरसेवक असून त्यांचा अँटॉप हिल परिसरामध्ये दबदबा आहे. शिवसेनेची कार्यकर्ती असलेली तरुणी प्रमुख म्हणून काम करत होती. तेव्हा सातमकर या तरुणीला लोणावळ्यात घेऊन गेले. तिथे तिच्यासोबत शरीर संबंध ठेवले असल्याची तक्रार त्या युवतीने अँटॉप हिल पोलीस ठाणे येथे केली होती. या प्रकरणाचा मुंबई सत्र न्यायालयामध्ये खटला सुरू आहे. त्या खटल्यामध्ये या युतीने बळजबरीने लग्नाचे अमिष दाखवून बलात्कार केल्याचा आरोप केला आहे. या प्रकरणाची पुढील सुनावणी ऑगस्ट महिन्यामध्ये होणार होती.

आमच्यात शुल्लक वाद :मात्र तरुणीने तक्रार मागे घेतल्याने मंगेश सातमकर यांना या प्रकरणातून दिलासा मिळण्याची शक्यता आहे. मात्र सत्र न्यायालयात सुरू असलेल्या सुनावणीत तरुणीने केलेले आरोप मागे घेत असल्याचे सांगण्यात आले आहे. आमच्यात शुल्लक वाद होते. त्या वादातून असे आरोप केल्याचे तरुणीचे म्हणणे आहे." मंगेश सातमकर यांनी काही महिन्यांपूर्वीच शिंदे गटामध्ये प्रवेश केला आहे.

गर्भपात केल्याचा आरोप : पीडित आरोप करणाऱ्या युवतीने याचिकेमध्ये हा देखील मुद्दा मांडलेला होता. मंगेश सातमकर यांच्यापासून तिला दिवस गेले होते. ती गरोदर होती. मात्र याचा बोभाटा बाहेर होऊ नये, म्हणून तिला तशा सूचनाही दिल्या होत्या. तसेच मंगेश सातमकर यांनी एका ओळखीच्या डॉक्टर मित्राच्या माध्यमातून तिला गर्भपात करण्याचे औषध दिल्याचा आरोप तरुणीने याचिकेत केला होता. त्या आधारावर मुंबई सत्र न्यायालयांमध्ये अनेकदा सुनावणी झाली होती. तरुणीच्या वतीने एका सामाजिक संस्थेने या संदर्भातला पाठपुरावा केला होता.