मुंबई - जेष्ठ विचारवंत गोविंद पानसरे हत्या खटल्याच्या संदर्भात उच्च न्यायालयाने घेतलेल्या भूमिकेवर मुख्यमंत्री देवेंद्र फडणवीस यांनी गुरुवारी विधानसभेत तीव्र नाराजी व्यक्त केली. पानसरे खून खटल्याची सुनावणी करताना उच्च न्यायालयाने मुख्यमंत्री एका पक्षाचे आहेत का? अशी तोंडी टिपण्णी केली होती.
पानसरे हत्येप्रकरणी न्यायालयाच्या भूमिकेवर मुख्यमंत्र्यांची नाराजी केली.
याबाबत विरोधकांनीही मुख्यमंत्र्यांना धारेवर धरले होते. राज्यपालांच्या अभिभाषणावर उत्तर देताना मुख्यमंत्र्यांनी इतर राज्यातील काही खटल्यातील सुनावणी दरम्यानच्या न्यायालयातील निकालांचेही संदर्भ दिले. लोकशाहीच्या तीनही स्तंभांनी आपल्या चौकटीत काम करावे. एकमेकांच्या अधिकारात हस्तक्षेप करू नये अशी अपेक्षा, मुख्यमंत्र्यांनी व्यक्त केली.