मुंबई- ड्रोनच्या माध्यमातून पाळत ठेवण्याचे तंत्रज्ञान हे एक महत्त्वाचे आणि खर्चबचतीच्या दृष्टीने प्रभावी साधन म्हणून पाहिले जाते. यामुळे मनुष्यबळाचा वापरही मर्यादित होत असल्याने चांगली सुरक्षा व पाळत ठेवण्यासाठी मध्य रेल्वेच्या मुंबई विभागाने अलीकडेच २ निन्जा यूएव्ही ड्रोन खरेदी केले आहेत. आरपीएफच्या मॉडर्नायझेशन सेलमधील ४ कर्मचार्‍यांच्या पथकाला याचे प्रशिक्षण देण्यात आले आहे. या ड्रोन उड्डाणासाठी परवानाही मिळाला आहे.
ड्रोनचे परिचालन क्षेत्र २ किमी आहे आणि २५ मिनिटांपर्यंत ते हवेत उड्डाण करू शकते. त्याचे टेक ऑफ वजन २ किलो पर्यंत आहे. तो दिवसा १२८०x७२० पिक्सेलवर एचडी प्रतिमा कॅप्चर करू शकतो. यात रिअल टाइम ट्रॅकिंग, व्हिडिओ प्रवाह आणि स्वयंचलित अपयश-सुरक्षा मोड देखील आहे. ड्रोन बिट्सचे विभाजन संपूर्ण रेल्वे मालमत्ता, क्षेत्राची संवेदनशीलता, गुन्हेगारांचे क्रियाकलाप इत्यादींवर आधारित केले गेले आहे.
ड्रोन 'आय इन द स्काय' म्हणून काम करते आणि संपूर्ण क्षेत्रावर नजर ठेवते. कोणतेही संशयास्पद घडामोडी लक्षात आल्यास गुन्हेगाराला थेट पकडण्यासाठी, विभागातील जवळच्या आरपीएफ पोस्टवर माहिती दिली जाते. अशा २ गुन्हेगारांना रिअल टाइम आधारावर वाडीबंदर यार्ड परिसरात आणि दुसरे कळंबोली प्रांगणात पकडण्यात आले आहे. ते यार्डमध्ये रेल्वेच्या कोच, वॅगनमध्ये चोरी करण्याचा प्रयत्न करीत होते.