मुंबई : चीनमध्ये गेल्या काही दिवसांपासून मोठ्या प्रमाणात रूग्ण आढळून येत असल्याने राज्यात या पार्श्वभूमीवर प्रशासन कामाला लागले आहे. कोरोनाचा प्रसार रोखण्यासाठी ( stop the spread of corona ) मुंबई महानगर पालिकेने ( Brihanmumbai Municipal Corporation ) कोरोना व्हायरसबाबत जनजागृती करणे, कोविड नियमांचे पालन करावे, RT-PCR चाचणीवर भर देणे, वॉर्ड वॉर रूमद्वारे जनतेशी संवाद साधणे तसेच लसीकरण मोहिम राबवण्यावर भर द्यायला सुरूवात केली आहे.
जीनोम सिक्वेन्सिंग केली जाणार : चीन, जपान, युनायटेड स्टेट्स, दक्षिण कोरिया, ब्राझील आणि फ्रान्स सारख्या देशांमध्ये कोविड-19 रुग्णांच्या संख्येत वाढ दिसून येत असल्याने, भारत सरकारने 20 आणि 22 डिसेंबर 2022 रोजी मार्गदर्शक तत्त्वे जारी केली आहेत. मार्गदर्शक तत्त्वांनुसार विमानतळ अधिकारी आरटी-पीसीआर नमुने घेण्यासारखे उपाय पुन्हा सुरू करत आहेत. मुंबई आंतरराष्ट्रीय विमानतळावरील आंतरराष्ट्रीय प्रवाशांपैकी 2 टक्के नमुने तसेच सर्व पॉजीटिव्ह नमुने एन आय व्ही NIV पुणे जीनोम सिक्वेन्सिंगसाठी पाठवले जातील.
रुग्णालयातील सुविधा : पालिकेकडे कोविड-19 रुग्णांवर उपचार करणारी दोन रुग्णालये आहेत. सेव्हन हिल्स रुग्णालयात 1700 तर कस्तुरबा रुग्णालयात 35 खाटा आहेत. चार सरकारी रुग्णालये आहेत. ज्यात कामा हॉस्पीटलमध्ये 100, सेंट जॉर्ज हॉस्पीटलमध्ये 70, टाटा हॉस्पीटलमध्ये 16, जगजीवन राम हॉस्पीटलमध्ये 12 तसेच 26 खाजगी रुग्णालये आहेत ज्यात 871 खाटा उपलब्ध आहेत. या सर्व हॉस्पिटलमध्ये पालिकेच्या वॉर रूम द्वारे रुग्णांना दाखल केले जाणार आहे. वॉर्ड वॉर रूम 24 x 7 कार्यरत आहेत, 24 BMC वॉर्डमध्ये, नागरिक कोणत्याही अडचणीच्या वेळी त्यांच्याशी संपर्क साधू शकतात. रुग्णालयांमध्ये पुरेशी ऑक्सिजन सुविधा म्हणजेच लिक्विड मेडिकल ऑक्सिजन (LMO), ड्युरा सिलिंडर आणि या स्वरूपात उपलब्ध आहे. कोविड-19 प्रकरणांचे व्यवस्थापन करण्यासाठी PSA टँक आहेत. COVID-19 चा प्रसार नियंत्रित करण्यासाठी, BMC कठोरपणे लसीकरण ड्राइव्हची अंमलबजावणी करण्यावर भर देत आहे अशी माहिती पालिका प्रशासनाने दिली आहे.
कोविड नियमांचे पालन करा : नागरिकांनी कोविडचा प्रसार रोखण्यासाठी सर्व योग्य वर्तनाचे पालन करणे महत्त्वाचे आहे. COVID-19 रोखण्यासाठी यामध्ये सार्वजनिक ठिकाणी मास्क घालणे समाविष्ट आहे. इतरांपासून शारीरिक अंतर राखणे, साबण आणि पाण्याने वारंवार हात धुणे, आजारी असताना घरी राहणे. वृद्ध नागरिक आणि मधुमेह आणि उच्च रक्तदाबाच्या रुग्णांनी योग्य ती खबरदारी घ्यावी. सर्व नागरिकांनी लसीकरण आणि खबरदारीचा डोस घ्यावा. या मार्गदर्शक तत्त्वांचे पालन करून व्यक्ती स्वतःचे आणि त्यांच्या समुदायाचे संरक्षण करू शकतात असे आवाहन पालिका प्रशासनाने केले आहे.
