मुंबई: माजी मुख्यमंत्री उद्धव ठाकरे यांच्या ‘मातोश्री’ निवासस्थानाबाहेर हनुमान चालिसा पठण करण्याची घोषणा राणा दाम्पत्याने केली होती. कायदा आणि सुव्यवस्था बिघडवण्याचा प्रयत्न केल्याप्रकरणी राणा दाम्पत्याच्या विरोधात मुंबई पोलिसांनी गुन्हा दाखल केला होता. त्या संदर्भात मुंबईच्या विशेष न्यायालयामध्ये आज 22 फेब्रुवारी रोजी महत्त्वाची सुनावणी होती. मात्र सुनावणी आता पुढे ढकलण्यात आली आहे.
दोषमुक्त करण्याची मागणी:माजी मुख्यमंत्री उद्धव ठाकरे यांच्या खासगी निवासस्थानाबाहेर हनुमान चालिसा पठण करण्याचा जो चंग बांधला होता. त्यातून वाद उभा राहिला होता. हनुमान चालिसा प्रकरणातून आम्हाला दोषमुक्त करा, अशी मागणी खासदार नवनीत राणा आणि त्यांचे पती आमदार रवी राणा यांनी विशेष न्यायालयात अर्जाद्वारे केली. न्यायालयाने त्यांच्या अर्जावर पोलिसांना फेब्रुवारीपर्यंत भूमिका स्पष्ट करण्याचे आदेश दिले होते. त्यानंतर 22 फेब्रुवारी रोजी आज त्यासंबंधीची सुनावणीची तारीख निश्चित केली गेली होती.
राणा दाम्पत्याला दिलासा: माजी मुख्यमंत्री उद्धव ठाकरे यांच्या ‘मातोश्री’ निवासस्थानाबाहेर हनुमान चालिसा पठण करण्याची घोषणा राणा दाम्पत्याने केली होती. त्यांच्या ह्या सार्वजनिकरित्या चेतवणाऱ्या भाषेमुळे दोन्ही बाजूकडील कार्यकर्ते इर्षेला पेटले होते. परिणामी मुंबई पोलिसांनी नवनीत राणा व रवी राणा ह्या दोघांविरोधात गुन्हा दाखल केला होता. त्या संदर्भात आज विशेष न्यायालयामध्ये सुनावणीची तारीख निश्चित झाली होती. मात्र विशेष न्यायालयाचे न्यायमूर्ती रोकडे आज अनुपस्थित असल्यामुळे आजची सुनावणी पुढे ढकलली गेली. त्यामुळे आजची तारीख पुढे ढकलण्यामुळे नवनवीन राणा यांना तात्पुरता दिलासा मिळाला आहे.