मुंबई :आपल्या विविध मागण्यासाठी निवासी डॉक्टरांनी मुंबईसह ( Resident Doctors Strike In Mumbai ) राज्यभरात संप पुकारला होता. राज्यातील निवासी डॉक्टरांनी (BMC resident doctor) दोन दिवस संप केला होता. यावेळी पालिका निवासी डॉक्टरांच्या मागण्यांबाबत दोन दिवसात कार्यवाही न झाल्यास मुख्यमंत्र्यांकडे बैठक घेवू, असे वैद्यकीय शिक्षण मंत्री गिरीश महाजन यांनी सांगितले होते. दोन दिवसात पालिकेने कोणत्याही योग्य प्रकारची कार्यवाही केली नसल्याने शुक्रवारी पालिका रुग्णालयातील निवासी डॉक्टरांनी भेट घेतली. यावेळी गिरीश महाजन यांनी याबाबत निर्णय घेण्याचे निर्देश मुख्यमंत्री एकनाथ शिंदे यांनी दिले (doctor meet CM Eknath Shinde) आहेत.
डॉक्टरांचा संप :महागाई भत्ता, सहयोगी प्राध्यापकांची रिक्त पदे भरणे, वसतीगृहाच्या समस्या, मुंबई महानगरपालिकेकडून दर महिना मिळणारा प्रलंबित कोविड भत्ता या कारणांमुळे राज्यभरातील सात हजार निवासी डॉक्टरांनी २ आणि ३ जानेवारीला काम बंद आंदोलन (Doctor Meet CM) केले. मुंबई महानगरपालिकेच्या केईएम, नायर, सायन, कूपर आदी रुग्णालयांमध्ये २ हजार डॉक्टर्स कार्यरत आहेत. या डॉक्टरांना कोविड काळातील भत्ता, डीए तसेच वसतिगृह हे प्रश्न सोडवण्यात आलेले नाहीत. यासाठी पालिका रुग्णालयातील निवासी डॉक्टरांनीही संपात सहभाग (Resident doctors strike) घेतला.