Corona Update : कोरोनाविरुद्ध लढण्यासाठी मुंबई पालिका सज्ज; जाणून घ्या 'बीएमसी'चे नियोजन...

राज्यात कोरोनाचा प्रसार पुन्हा डोके वर काढत आहे. सध्या रुग्णसंख्या वाढत असली तरी रुग्णालयात दाखल करण्यात येणाऱ्या रुग्णांची आणि मृत्यूंची संख्या कमी आहे. या पार्श्वभूमीवर भारत सरकार आणि राज्य सरकारच्या निर्देशानुसार मुंबई महापालिकेने आपली यंत्रणा सज्ज केली आहे.

मुंबई: रुग्णालयांनी औषधांचा पुरवठा, बेड, वैद्यकीय उपकरणे, वैद्यकीय ऑक्सिजन आणि मानवी संसाधन क्षमता तसेच लसीकरण कव्हरेजसह त्यांच्या तयारीचे मूल्यांकन केले जात आहे. 10 व 11 एप्रिल 2023 रोजी एक देशव्यापी मॉक ड्रिल आयोजित केली आहे. सार्वजनिक आणि खासगी रुग्णालयांच्या तयारीचे मूल्यांकन करण्यासाठी भारत सरकार आणि राज्याच्या सूचनेनुसार, पालिकेने गोळा करण्यास सुरुवात केली आहे.

इतके बेड्स उपलब्ध: १५ पालिकेची रुग्णालये, ३ सरकारी रुग्णालये आणि ३५ खाजगी रुग्णालये आहेत. ज्यामध्ये कोरोना रुग्णांवर उपचार करण्यासाठी तयारी ठेवण्यात आली आहे. रुग्णांवर उपचार करण्यासाठी 1995 बेड्स असून त्यापैकी 1683 सध्या उपलब्ध आहेत. ऑक्सिजन सपोर्टेड बेड 1316 असून त्यापैकी 1073 फंक्शनल आहेत. ICU बेड 711 असून त्यापैकी 666, व्हेंटिलेटर 649 असून 393 कार्यशील आहेत. रुग्णांना विलागिकरणात ठेवण्यासाठी 4022 बेड्स असून 3422 बेड्स कार्यशील आहेत.

इतके कर्मचारी सज्ज: कोरोना रुग्णांवर उपचार करण्यासाठी 1413 डॉक्टर असून त्यापैकी 1343 डॉक्टर कोरोना रुग्णांवर उपचार करण्यासाठी प्रशिक्षित आहेत. 3880 नर्स असून त्यापैकी 3244 नर्स कोरोना व्यवस्थापनात प्रशिक्षित आहेत. 1250 पॅरामेडिक्स कर्मचारी असून 1205 प्रशिक्षित आहेत. एकूण 6543 पैकी 5792 कर्मचारी प्रशिक्षित आहेत.

178 रुग्णवाहिका: कोरोना रुग्णांना रुग्णालयात वेळेवर पोचवता यावे म्हणून 44 BLS रुग्णवाहिका असून त्यापैकी 41 कार्यशील आहेत, ALS 20 रुग्णवाहिका, सामाजिक संस्थांनी दिलेल्या 21 रुग्णवाहिका, १०८ क्रमांकाच्या ९६ रुग्णवाहिका अशा एकूण 181 पैकी 178 रुग्णवाहिका कार्यरत आहेत. COVID-19 रुग्णांची चाचणी करण्यासाठी 34 रुग्णालये, 49 प्रयोगशाळा यामध्ये 1, 35, 035 दैनंदिन क्षमता आहे.

औषधे, इंजेक्शन उपलब्ध: Remdesivir, Tocilizumab, Methylprednisolone, Dexamethasone, Amphotericin B चा साठा deoxycholate, Posaconazole उपलब्ध असून कमतरता पडल्यास ते खरेदी करून भविष्यात उपलब्ध केले जाईल. पुरेशा प्रमाणात PPE किट, N-95 मास्क, नेब्युलायझर, पल्स ऑक्सिमीटर, कोविड रूग्णांसाठी ऑक्सिजनचा पुरवठा आहे. एकूण ऑक्सिजन क्षमता 3205 मेट्रिक टन उपलब्ध आहे. रुग्णांना रुग्णालयात दाखल करणे, मदत करणे यासाठी वॉर्ड वॉर रूम सुरू करण्यात आला आहे.

हेही वाचा:CM Eknath Shinde in Ayodhya : मुख्यमंत्री एकनाथ शिंदे अयोध्यानगरीत दाखल; UP सरकारने केले स्वागत