मुंबई :चालू आर्थिक वर्ष संपायला अवघे दोन महिने उरले आहेत. बीएमसीने दिलेल्या माहितीनुसार, कर वसुलीसाठी सर्वांना नोटिसा पाठवण्यात आल्या आहेत. जानेवारीअखेर 60 टक्के कर संकलन अपेक्षित आहे. फेब्रुवारी आणि मार्चमध्ये बीएमसी मालमत्ता कर वसुलीसाठी मोहीम राबवणार आहे. आम्हाला आशा आहे की आम्ही 100 टक्के लक्ष्य गाठू शकू. कोरोनामुळे मागील दोन वर्षे कर संकलनासाठी खूप कठीण गेली. आता संकटातून सावरल्यानंतर रोजगार आणि आर्थिक उलाढाली वाढल्या आहेत. त्यामुळेच यंदा मालमत्ता कराची वसुली सरप्लस होईल, अशी आशा आहे.
लवकरच नोटिसा पाठवणार:पालिकेने दिलेल्या माहितीनुसार, 21 जानेवारीपर्यंत सर्वाधिक मालमत्ता कर संकलन पश्चिम उपनगरातून 1896 कोटी रुपये (63 टक्के) होते. दुसऱ्या क्रमांकावर मुंबई शहर आहे, जिथे आतापर्यंत मालमत्ता कर म्हणून 1,158 कोटी रुपये (65 टक्के) जमा झाले आहेत, तर पूर्व उपनगरांनी सर्वांत कमी 792 कोटी रुपये (64 टक्के) जमा केले आहेत. बीएमसीने ३१ मार्च २०२३ पर्यंत पश्चिम उपनगरातून ३३४४ कोटी रुपये, मुंबई शहरातून २३६७ कोटी रुपये आणि पूर्व उपनगरातून १४८२ कोटी रुपये मालमत्ता कर वसूल करणे अपेक्षित आहे. गेल्या वर्षी 22 जानेवारी 2022 पर्यंत बीएमसीने मुंबईकरांकडून मालमत्ता कर म्हणून 3738 कोटी रुपये वसूल केले होते. गेल्या वर्षी बीएमसीने ३१ मार्चपर्यंत ५७९२ कोटी रुपये वसूल केले होते.