मुंबई -नासा वैज्ञानिकांनी ( NASA Scientist ) विशेष मागणी करून मुंबई महानगर पालिका ( BMC ) अधिकाऱ्यांचा सल्ला घेण्यासाठी पाचारण करावे, अशी मागणी भाजप नेते, आमदार राम कदम ( Bjp Mla Ram Kadam On BMC ) यांनी केली आहे. मुंबई महानगर पालिकेच्या अधिकाऱ्यांनी मुंबईत गाय स्वतः ड्रेनेजच्या टाकीचे झाकण उघडते व त्यात पडते, हा नवीन शोध लावल्याचे म्हणत त्यांनी ही मागणी केली आहे.
हेही वाचा -Aditya Thackeray On Nanar Project : नाणार रिफायनरी प्रकल्प लोकांवर लादला जाणार नाही -आदित्य ठाकरे
काय म्हणाले राम कदम -मुंबई महानगरपालिकेच्या अधिकाऱ्यांनी दिलेल्या उत्तरावर राम कदम म्हणाले की नासा वैज्ञानिकांनी विशेष मागणी करून मुंबई महानगर पालिका अधिकाऱ्यांचा सल्ला घेण्यासाठी पाचारण करावे. त्यांचा नवीन शोध पहा. भ्रष्ट मुंबई महानगर पालिकेचे अधिकारी म्हणतात, गाईने स्वतः रस्त्यावरील गटाराचे झाकण उघडले. जर असे असेल तर ते झाकण किती निकृष्ट दर्जाचे होते. याचीही चौकशी व्हायला पाहिजे. मुंबईला लुटण्याचे काम महानगर पालिका करत आहे. मुंबईतील सर्व गटारांवरील झाकणांची चौकशी व्हायला हवी अशी मागणी राम कदम यांनी केली आहे.