मुंबई- कोरोनाच्या संकटकाळात महाविकास आघाडी सरकार सपशेल अपयशी ठरले असल्याचा आरोप करत या विरोधात भाजपच्यावतीने आज (शुक्रवार) राज्यभर 'मेरा आंगण मेरा रणांगण महाराष्ट्र बचाव' हे आंदोलन करण्यात येत आहे. माजी मुख्यमंत्री आणि विद्यमान विरोधी पक्षनेते देवेंद्र फडणवीस यांच्या नेतृत्वात आज मुंबईतील भाजप कार्यालयात हे आंदोलन करण्यात आले. यावेळी भाजप नेते आशिष शेलारही उपस्थित होते.
मुंबईत भाजपचे महाराष्ट्र बचाव आंदोलन
यावेळी बोलताना देवेंद्र फडणीस म्हणाले, 'राज्यभरात महाराष्ट्र बचाव आंदोलन करण्यात येत आहे. या आंदोलनात भाजप नेते, पदाधिकारी आणि कार्यकर्ते काळे वस्त्र परिधान करुन किंवा काळ्या पट्ट्या हाताला बांधत आपापल्या घराबाहेर येऊन राज्य सरकारचा निषेध नोंदवत आहेत.'