सुशांतसिंह आत्महत्या प्रकरण : अनुज केशवानीला 23 सप्टेंबरपर्यंत न्यायालयीन कोठडी

सुशांत प्रकरणी एनसीबीने अमलीपदार्थ विक्रेता अनुज केशवानीला अटक केली आहे. न्यायालयात उपस्थित केले असता त्याला 23 सप्टेंबरपर्यंतची न्यायालयीन कोठडी सुनावण्यात आली आहे.

मुंबई : अभिनेता सुशांत सिंह राजपूत मृत्यूप्रकरणात नार्कोटिक्स कंट्रोल ब्युरोकडून (एनसीबी) तपास केला जात असताना अमलीपदार्थ विक्रेता अनुज केशवानीला ताब्यात घेण्यात आले होते. त्याला न्यायालयात उपस्थित केले असता 23 सप्टेंबरपर्यंत न्यायालयीन कोठडी सुनावण्यात आली.

एनसीबीची ड्रॅगसच्या विरोधात कारवाई सुरूच आहे. या कारवाईत एनसीबीने अनुज केशवानी नावाच्या अमलीपदार्थ विक्री करणाऱ्या व्यक्तीला अटक केली आहे. रिया चक्रवर्तीशी संबंधित ड्रग्स टोळीतील अटक करण्यात आलेल्या सर्व आरोपींचा संबंध हा थेट कैझेन इब्राहीमसोबत असून त्याने केशवानीचे नाव घेतले. कैझेनने त्याचा पुरवठादार म्हणून केशवानीचे वर्णन केले होते.

दरम्यान, सुशांतसिंह राजपूत प्रकरणात कैझेन इब्राहीमचे नाव समोर आले आहे. सुशांतसिंह राजपूत मृत्यू प्रकरणात एनसीबी ड्रग्स अँगलचा तपास करीत असल्याने, त्यानंतर मुंबईत अनेक ड्रग पेडलर्सची नावे समोर आली आहेत.

हेही वाचा -सुशांतसिंह आत्महत्या प्रकरण : शोविकचा शाळकरी मित्र 'एनसीबी'च्या ताब्यात