मुंबई- विदर्भ पाटबंधारे अंतर्गत सुरू असलेल्या लाचलूचपत प्रतिबंधक विभागाची फाईल बंद करण्याचा आदेश देण्यात आले आहेत. या घोटाळा प्रकरणात अजित पवारांचा संबंध असल्याचे बोलले जात आहे. त्यामुळे या निर्णयामुळे अजित पवारांना या सिंचन घोटाळ्यातून दिलासा मिळाला असल्याची चर्चा आहे. मात्र, एसीबीकडून याबाबत कोणताही खुलासा करण्यात आला नाही.
विदर्भ पाटबंधारे सिंचन घोटाळ्यातील चौकशीची फाईल बंद
राज्यात सत्ता स्थापनेवरून निर्माण झालेल्या गोंधळात अजित पवारांनी भाजप प्रणित सरकार स्थापनेसाठी भाजपला पाठिंबा दिला. त्यातच आता बहुचर्चीत पाटबंधारे विभागाच्या अंतगर्त सुरू असलेल्या एसीबीच्या चौकशीची फाईल बंद करण्यात आली आहे. त्यामुळे या सत्ता स्थापनेचा धागा या निर्णयाशी जोडला जात आहे.