मुंबई :राष्ट्रवादी काँग्रेसमध्ये काल रविवारी दुपारी पडलेल्या फुटीमुळे राज्यात मोठी खळबळ उडाली आहे. (NCP Political Crisis) अजित पवार यांच्यासह राष्ट्रवादी काँग्रेसच्या ९ आमदारांनी मंत्रिपदाची शपथ घेतली (NCP MP Amol Kolhe) असून खुद्द अजित पवारांना उपमुख्यमंत्रीपद देण्यात आले आहे. (Maharashtra Political Crisis) यावेळी शपथविधीला राष्ट्रवादी काँग्रेसचे अनेक आमदार, खासदार उपस्थित होते. या सर्वांचा आपल्याला पाठिंबा असल्याचा दावाही अजित पवारांनी शपथविधीनंतर घेतलेल्या पत्रकार परिषदेत केला होता. (Amol Kolhe policy about Sharad Pawar) मात्र, राष्ट्रवादी कॉंग्रेसचे खासदार डॉ. अमोल कोल्हे यांनी आपण शरद पवारांसोबत असल्याचे स्पष्ट केले आहे.
कोल्हेंचे ते ट्विट ठरले महत्त्वाचे: अजित पवारांसह राष्ट्रवादी काँग्रेसच्या एकूण ९ आमदारांचा रविवारी दुपारी शपथविधी पार पडला. या शपथविधीला खुद्द अमोल कोल्हे उपस्थित होते. एवढेच नाही, तर कार्यक्रमानंतर अमोल कोल्हेंचा सुधीर मुनगंटीवार यांच्या पाया पडतानाचा एक व्हिडीओही सोशल मीडियावर व्हायरल झाला होता. त्यामुळे अमोल कोल्हे शरद पवारांची साथ सोडून अजित पवार गटात सहभागी झाल्याचे बोलले जात होते. अजित पवारांनीही सगळ्यांचा आपल्याला पाठिंबा असल्याचे मत व्यक्त केले होते. मात्र, आज अमोल कोल्हेंनी आपण शरद पवारांसोबतच असल्याचे ट्वीट करून स्वत:ची भूमिका स्पष्ट केली आहे.
काय म्हणाले अमोल कोल्हे? “जब दिल और दिमाग में जंग हो, तो दिल की सुनो. शायत दिमाग कभी कभी नैतिकता भूल जाता है. पर दिल कभी नहीं. मी साहेबांसोबत”, अशा सूचक शब्दांत अमोल कोल्हेंनी आपली भूमिका स्पष्ट केली आहे.