मुंबई- गेल्या कित्येक वर्षांपासून राम मंदिर व बाबरी मस्जिद प्रकरण हा चर्चेचा विषय ठरला आहे. वादग्रस्त जागा नेमकी कुणाची, हा तिढा सोडविण्यासाठी न्यायालयाच्या फेऱ्या झाल्या. मात्र, योग्य निकाल लागत नसल्याने शवटी सर्वोच्च न्यायालयात हे प्रकरण गेले. आज, न्यायालय काय निकाल देईल, यावर सर्वांच्या नजरा खिळल्या होत्या. न्यायालयाने निकाल जाहीर केला असून वादग्रस्त जमिनीवर श्री रामांचे मंदिर बांधले जाईल, हा निर्वाळा सर्वोच्च न्यायालयाने दिला. यावर देशातील नेत्यांनी, माननीय लोकांनी पुढील प्रतिक्रिया दिली आहे.
बाबरी मस्जिद-राममंदिर प्रकरणी सर्वोच्च न्यायालयाच्या निकालावर प्रतिक्रिया देताना केंद्रीय मंत्री नितीन गडकरी
नितीन गडकरी - भारत हा लोकतांत्रिक व्यवस्था असलेला देश आहे. येथे न्यायालयाच्या निकालाचा प्रत्येकाने आदर करणे गरजेचे आहे, असे गडकरी म्हणाले. यावर अधिक टिप्पणी न करता गडकरी यांनी सर्वांना शांततेचे आवाहन केले आहे.