मुंबई - येथील पार्कसाईट पोलिस ठाण्याच्या हद्दीत एका 15 वर्षीय मुलीवर अॅसिड हल्ला झाल्याची घटना घडली असून याप्रकरणी पार्कसाईट पोलिस ठाण्यात आरोपी विरोधात गुन्हा दाखल करण्यात आला आहे.
15 वर्षीय मुलीवर अॅसिड हल्ला
कांजूरमार्ग परिसरात रविवारी (दि. 22 डिसें) सकाळी 6 ते 7 वाजेच्या दरम्यान पीडित मुलगी मॉर्निंग वॉकसाठी एलबीएस मार्गावरील बाजीप्रभु देशपांडे मैदानावर गेली होती. त्यावेळी या मुलीवर हल्ला करण्यात आला आहे. यात ती जखमी झाली असून त्या मुलीला काही रहिवाशांनी जवळील राजावाडी रुग्णालयात प्रथमोपचारासाठी दाखल केले होते. त्यानंतर तिला सायन रुग्णालयात दाखल करण्यात आले. याठिकाणी उपचारानंतर तिला घरी सोडण्यात आले आहे.