मुंबई - मुंबई पोलिसांच्या अमली पदार्थविरोधी पथकाच्या कांदिवली युनिटने नेपाळमार्गे मुंबईत चरस आणणाऱ्याला अटक केली आहे. त्याच्याकडून तब्बल 2 किलो 500 ग्रॅम चरस जप्त केले आहे. आंतरराष्ट्रीय बाजारात याची किंमत 50 लाख रुपये असल्याचे समोर आले आहे.
दत्ता नलावडे, डीसीपी
चरस विक्री कनेक्शन बिहारच्या मोतीहारी कारागृहात
देशाची आर्थिक राजधानी असलेल्या मुंबई शहराला नेपाळमार्गे चरसचा पुरवठा केला जात असल्याची माहिती मुंबई पोलिसांच्या अमली पदार्थ विरोधी पथकाच्या कांदिवली युनिटला मिळाली. तसेच, आंतरराष्ट्रीय टोळीतील काही सदस्य बिहार राज्यातील मोतीहारी कारागृहात असल्याचे समोर आले. चरसचा पुरवठा मुंबईत करण्यासाठी बिहार मधील मोतिहारी कारागृहात असलेले काही आरोपी फोनवरून एकमेकांच्या संपर्कात असल्याचे पोलिसांना कळले.