'गेटवे'च्या समुद्रात बोटीला अपघात, 45 जणांचे प्राण वाचले

रविवारी 'गेटवे ऑफ इंडिया'जवळील समुद्रात पार्टी करण्यासाठी ३५ नागरिकांसह १० कर्मचाऱ्यांना समुद्रात घेऊन जाणाऱ्या टाइम नावाच्या बोटीचा अपघात झाला. मात्र, एका दुसऱ्या बोटीतील नाविकांच्या ही बाब लक्षात आल्याने त्यांनी तत्काळ बुडणाऱ्या बोटीवरील ४५ नागरिकांना सुरक्षित बाहेर काढले. त्यामुळे

मुंबई -येथील 'गेटवे ऑफ इंडिया'जवळ समुद्रात रविवारी एका बोटीला झालेल्या अपघात ४५ जणांना वाचविण्यात यश आले आहे.

'गेटवे ऑफ इंडिया'जवळील समुद्रात पार्टी करण्यासाठी रविवारी टाइम नावाची बोट ३५ नागरिकांसह १० कर्मचाऱ्यांना घेऊन समुद्रात जात होती. 'गेटवे ऑफ इंडिया'पासून काही अंतर पुढे गेल्यावर अचानक या बोटीत पाणी शिरू लागल्याने बोटीवरील नागरिकामध्ये गोंधळ उडाला. मात्र, सुदैवाने 'एलिफंटा ते गेटवे' अशी प्रवासी बोट चालविणाऱ्या अष्टविनायक या बोटीच्या कर्मचाऱ्यांच्या ही बाब लक्षात आली. त्यांनी तत्काळ बुडणाऱ्या बोटीवरील ४५ नागरिकांना सुरक्षित बाहेर काढले. अचानक बुडणाऱ्या 'टाइम' या बोटीला स्थानिक नाविकांनी त्यांच्या 'इटत' बोटींच्या मदतीने बाहेर काढून 'गेटवे'च्या किनाऱ्यावर आणले आहे.

हेही वाचा - 'फ्री काश्मीर' फलकावरून महाराष्ट्रात वादंग, बॅनर झळकावणाऱ्या तरुणीचे आहे 'हे' मत

ही घटना घडल्यानंतर 'टाइम' या बोटीचा मॅनेजर व पार्टी आयोजक फरार असून कुलाबा पोलीस ठाण्यात या घटनेची डायरीत नोंद केली गेली आहे. मात्र, अद्याप कुठलाही गुन्हा नोंदविण्यात आलेला नाही. तर, लवकरच या प्रकरणाचा तपास करीत दोषींवर गुन्हा नोंदविण्यात येईल असे पोलिसांचे म्हणणे आहे.

हेही वाचा - जेएनयू हिंसाचार : मुंबईतील हुतात्मा चौकात भाजप आणि केंद्र शासनाच्या विरोधात तीव्र संताप