मुंबई -२ महिन्यांपूर्वी खालापूरजवळ झालेल्या एसटी बस अपघातात जखमी झालेल्या व्यक्तीस एसटी महामंडळाकडून आर्थिक मदत मिळावी याकरिता तळेकरांनी परिवहन मंत्री व एसटी महामंडळाला विनंतीपत्र पाठवले आहे.
अपघात ग्रस्तांना आर्थिक मदत लवकर मिळावी यासाठी महामंडळ व परिवहन मंत्र्यांना विनंतीपत्र
कुर्ला-भीमाशंकर या एसटी बसचा २ महिन्यापूर्वी खालापूरजवळ अपघात झाला होता. या अपघातात बबन तळेकर हा डबेवाला जखमी झाला होता. यात त्याच्या पायाला जबर मार लागला असून गेली २ महिने ते नायर रुग्णालयात उपचार घेत आहेत. परंतु एसटी महामंडळाकडून त्यांची कोणत्याही प्रकारची चौकशी व मदत केली नाही. सध्या त्यांना पूढील उपचारासाठी ६ ते ७ लाखांचा निधी लागणार आहे. त्यामुळे डबेवाल्यांनी परिवहन मंडळाला पत्र लिहुन लवकर मदत मिळावी यासाठी विनंती केली आहे.