ST Workers : एसटी कर्मचाऱ्यांच्या पगारात 3 हजार 600 ते सात हजारांपर्यंत भरघोस वाढ

एसटी कर्मचाऱ्यांच्या आंदोलनाला (ST Workers Strike) यश येताना दिसत आहे. एसटी कर्मचाऱ्यांच्या वेतनात वाढ करण्यात येत आहे, अशी घोषणा परिवहन मंत्री तथा राज्य परिवहन महामंडळाचे (MSRTC) अध्यक्ष अनिल परब (Minister Anil Parab) यांनी पत्रकार परिषदेत दिली. 3 हजार 600 ते 7 हजार 200 रुपयांची वेतनपर्यंत वेतनवाढ करण्यात आल्याची माहिती मंत्री परब यांनी दिली.

मुंबई - एसटी कर्मचाऱ्यांच्या आंदोलनाला (ST Workers Strike) यश येताना दिसत आहे. एसटी कर्मचाऱ्यांच्या वेतनात वाढ करण्यात येत आहे, अशी घोषणा परिवहन मंत्री अनिल परब (Minister Anil Parab) यांनी पत्रकार परिषदेत दिली. 3 हजार 600 ते 7 हजार 200 रुपयांची वेतनपर्यंत वेतनवाढ करण्यात आल्याची माहिती मंत्री परब यांनी दिली.

एसटी कर्मचाऱ्यांच्या संपाबाबत गेल्या दोन दिवसांपासून सह्याद्री अतिथिगृह येथे कामगारांच्या शिष्टमंडळासोबत चर्चा सुरु होती. मंगळवारी झालेल्या बैठकीत मंत्री परब यांनी एसटी कर्मचाऱ्यांच्या शिष्टमंडळासोबत विविध मुद्द्यांवर चर्चा केली. न्यायालयाने नेमलेल्या समितीचा अहवाल येईपर्यंत वेतनवाढीचा प्रस्ताव शिष्टमंडळास समोर ठेवला होता. तसेच शिष्टमंडळाने याबाबत पर्याय द्यावे, असे आवाहन केले होते. त्यानुसार आज एसटी कर्मचाऱ्यांच्या मागण्यांवर सकाळपासून मॅरेथॉन बैठक झाली. एसटी कामगारांबरोबरच उच्च व तंत्रशिक्षण मंत्री उदय सामंत, आमदार गोपीचंद पडळकर, सदाभाऊ खोत, एसटी महामंडळाचे उपाध्यक्ष तथा व्यवस्थापकीय संचालक शेखर चन्ने आदी उपस्थित होते. पाच तास चर्चा चालली. दरम्यान, राज्य सरकारने कर्मचाऱ्यांच्या बाबतीत सकारात्मक निर्णय घेतल्याचे पत्रकार परिषदेत स्पष्ट करताना वेतनवाढीबाबत घोषणा केली.

दरमहा वेतनाची हमी

एसटी कामगारांनी पुकारलेल्या संपामुळे ग्रामीण भागातील नागरिकांचे प्रचंड हाल होत आहेत. प्रवासी वाहतूक ठप्प झाल्याने एसटी महामंडळाला मोठ्या आर्थिक नुकसानीला सामोरे जावे लागत आहे. एसटी कर्मचारी कामावर रूजू होऊन वाहतूक पुन्हा सुरळीत सुरू व्हावी यासाठी कामगारांनी तातडीने कामावर रूजू व्हावे, तसेच संपकाळात निलंबित व सेवा समाप्तीची कारवाई केलेल्या कर्मचाऱ्यांनी सुद्धा कामावर रूजू व्हावे. कामावर रूजू होताच त्यांच्यावरील कारवाई मागे घेण्यात येईल. पण, जे कर्मचारी कामावर रूजू होणार नाहीत, त्यांच्यावर कडक कारवाई करण्यात येईल, असेही मंत्री परब यांनी सांगितले. वेतनासाठी आवश्यक निधी राज्य शासन देणार असून सुमारे 700कोटींचा बोजा पडणार आहे. किमान पाच ते सात हजार रुपयांची वेतनवाढ दिली असून नव्याने झालेली वेतनवाढ नोव्हेंबर महिन्याच्या पगारापासून देण्यात येईल. तसेच दर महिन्याच्या 10 तारखेला वेतन देण्याची हमी राज्य शासनाने घेतल्याचे मंत्री परब यांनी स्पष्ट केले.

अशी होणार पगारवाढ ..?

चालक	सेवा कालावधी	सध्याचे वेतन	सुधारित वेतन	एकूण वाढ
नवनियुक्त	17 हजार 395	24 हजर 595	7 हजार 200
10 वर्षे पूर्ण	23 हजार 40	28 हजार 800	5 हजार 760
20 वर्षे पूर्ण	37 हजार 440	41 हजार 40	3 हजार 600
30 वर्षे पूर्ण	53 हजार 280	56 हजार 880	3 हजार 600

वाहक	सेवा कालावधी	सध्याचे वेतन	सुधारित वेतन	एकूण वाढ
नवनियुक्त	16 हजार 99	23 हजार 299	7 हजार 200
10 वर्षे पूर्ण	21 हजार 600	27 हजार 360	5 हजार 760
20 वर्षे पूर्ण	36 हजार	39 हजार 600	3 हजार 600
30 वर्षे पूर्ण	51 हजार 840	55 हजार 400	3 हजार 600

यांत्रिकी	सेवा कालावधी	सध्याचे वेतन	सुधारित वेतन	एकूण
नवनियुक्त	16 हजार 99	23 हजार 299	7 हजार 200
10 वर्षे पूर्ण	30 हजार 240	36 हजार	5 हजार 760
20 वर्षे पूर्ण	44 हजार 496	48 हजार 96	3 हजार 600
30 वर्षे पूर्ण	57 हजार 312	60 हजार 912	3 हजार 600

लिपीक	सेवा कालावधी	सध्याचे वेतन	सुधारित वेतन	एकूण
नवनियुक्त	17 हजार 726	24 हजार 926	7 हजार 200
10 वर्षे पूर्ण	24 हजार 768	30 हजार 528	5 हजार 760
20 वर्षे पूर्ण	38 हजार 160	41 हजार 760	3 हजार 600
30 वर्षे पूर्ण	53 हजार 280	56 हजार 880	3 हजार 600

हे ही वाचा -चंद्रकांत पाटलांनी भाकीत करण्याचा नवा व्यवसाय सुरू केला असावा; शरद पवारांकडून खिल्ली