गेल्या २४ तासात मुंबईत कोरोनाचे १३५ रूग्ण, सहा जण दगावले

मुंबईत गेल्या २४ तासात कोरोनाचे नव्याने १३५ रुग्ण आढळून आले आहेत. या कालावधीत ६ रुग्णांचा मृत्यू झाला आहे. या सहापैकी ५ रुग्णांना दीर्घकालीन आजार होते. तर, एकाचा वार्धक्याने मृत्यू झाला आहे. या सहा जणांच्या मृत्यूमुळे मृतांचा आकडा १३१वर पोहचला आहे. गेल्या २४ तासात २९ रुग्ण बरे झाल्याने त्यांना डिस्चार्ज देण्यात आला आहे. मुंबईत आतापर्यंत ३१० रुग्णांना डिस्चार्ज देण्यात आला आहे.

मुंबई -जगभरात थैमान घातलेल्या कोरोना विषाणूचे मुंबई हॉटस्पॉट ठरले आहे. मुंबईमध्ये गेल्या ३ ते ४ दिवसात कोरोनाच्या रुग्णांचा आकडा कमी झाला होता. मात्र आज पुन्हा कोरोनाच्या रुग्णांमध्ये वाढ झाली आहे. मुंबईत गेल्या २४ तासात नव्याने १३५ रुग्ण आढळून आले आहेत. तसेच १४ ते १६ एप्रिल दरम्यान खासगी लॅबमध्ये चाचण्या केलेल्या १५४ रुग्णांचा रिपोर्ट पॉझिटिव्ह आल्याने मुंबईमधील कोरोना रुग्णांचा आकडा २७९८वर पोहोचला आहे.

मुंबईत गेल्या २४ तासात कोरोनाचे नव्याने १३५ रुग्ण आढळून आले आहेत. या कालावधीत ६ रुग्णांचा मृत्यू झाला आहे. या सहापैकी ५ रुग्णांना दीर्घकालीन आजार होते. तर, एकाचा वार्धक्याने मृत्यू झाला आहे. या सहा जणांच्या मृत्यूंमुळे मृतांचा आकडा १३१ वर पोहोचला आहे. गेल्या २४ तासात २९ रुग्ण बरे झाल्याने त्यांना डिस्चार्ज देण्यात आला आहे. मुंबईत आतापर्यंत ३१० रुग्णांना डिस्चार्ज देण्यात आला आहे.

मुंबईतील रुग्णांचा आकडा पुन्हा वाढला -

मुंबईमध्ये गेले काही दिवस कोरोना विषाणूचे १५० ते २००हुन अधिक रुग्ण रोज नव्याने आढळून येत होते. गेल्या तीन ते चार दिवसात त्यात घट झाली होती. गेल्या तीन दिवसात अनुक्रमे १०७, ८७, ७७ रुग्ण आढळून आले होते. मात्र आज पुन्हा मुंबईमधील रुग्णांचा आकडा वाढला असून १३५ नवे रुग्ण आढळून आले आहेत.