लातूर - बसविना प्रवाशांची गैरसोय होत असल्याचे प्रकार अनेक ठिकाणी पाहायला मिळतात. त्यासाठी पर्यायी साधनांचा वापर करत संबंधित नागरिक आपले गाव गाठतात. मात्र गावाकडे जाण्यासाठी बसच नसल्यामुळे गावातील काही अज्ञात तरुणांनी थेट बसवर ताबा मिळवत गाव जवळ करण्याचा प्रयत्न केला. निलंगा तालुक्यातील औराद शहाजनी बसस्थानकात हा अनोखा प्रकार घडला आहे
गावाकडे जाण्यासाठी प्रवाशांनीच पळवून नेली बस
स्थानकातून पळवली एसटी-
बुधवारी रात्री उशिरा गावाकडे जाण्यासाठी एसटी नव्हती. स्थानकात थांबलेल्या आणि दारूच्या नशेत असलेल्या शेळगी गावातील काही तरुणांनी थेट एसटीच पळवून नेण्याचा बेत आखला. औराद बसस्थानकातील एक एसटी त्यांनी पळवली देखील. एसटी स्थानकातून बाहेर काढताना मात्र, ही बस आगाराजवळच्या दोन लाईटच्या खांबांना देखील धडकली. त्यामुळे विजेच्या तारा तुटून खाली पडल्या शिवाय विजेचा खांब देखील कोसळला.