लातूर - महिलेवर अत्याचार केल्याप्रकरणी अटकेत असलेल्या अक्रम मिर्झा बेग या आरोपीच्या नातेवाईकांकडून आता पीडित महिलेला तक्रार मागे घेण्यासाठी धमक्या दिल्या जात आहेत. यासंबंधी पीडित महिलेने व तिच्या आईने तक्रार नोंदवली आहे.
अश्लील फोटो सोशल मीडियावर व्हायरल करण्याची धमकी देत 27 वर्षीय महिलेवर गेल्या पाच वर्षांपासून अत्याचार केला जात होता. याप्रकरणी शहरातील राजकीय पार्श्वभूमी असलेल्या अक्रम मिर्झा बेग याला पोलिसांनी ताब्यात घेतले आहे. गुन्हा नोंद केल्यानंतर तक्रार मागे घ्यावी अन्यथा शहरात राहू देणार नाही आणि जीवे मारू अशा धमक्या पीडितेला व तिच्या आईला दिल्या जात आहेत. याप्रकरणात आरोपीला पीडितेच्या पतीचीही मदत होत असल्याने त्यालाही सहआरोपी करण्याची मागणी या महिलेने केली आहे.