लातूर - कर्तव्य बजावणाऱ्या पोलीस कर्मचाऱ्याला आयशर टेम्पोने धडक दिली. यात पोलीस कर्मचाऱ्याचा जागीच मृत्यू झाला. ही घटना आज सकाळी ८ वाजण्याच्या सुमारास लातूर - नांदेड महामार्गावर घरणी गावाजवळ घडली. या प्रकरणी टेम्पो चालकाला पोलिसांनी ताब्यात घेतले आहे.
नागेश चौधरी असे मृत पोलीस कर्मचाऱ्याचे नाव आहे. ते पोलीस नाईकपदी कार्यरत होते. आज सकाळी नागेश लातूर - नांदेड या महामार्गावर जड वाहनांची तपासणी करत होते. यावेळी एम.एच. ०३ सी. पी ३४५० या भरधाव टेम्पोने त्यांना पळून जाण्याच्या उद्देशाने धडक दिली.