लातूर- पावसाळ्यात कायमच छोट्या पुलावरून पाणी वाहत असते. बऱ्याच वेळा या पाण्याचा अंदाज न आल्यामुळे अनेकजण धोकादायक पुलावरून प्रवास करत असतात. काहीसा असाच प्रसंग लातूर जिल्ह्यातील निलंगा - लातूर मार्गावरील हाडगा गावाजवळच्या पुलावर घडला. एक तरुण आपल्या दुचाकीसह या पुलावरून पाणी वाहत असताना जात होता. लोकांनी त्यास नको जाऊ असे सागितले होते. मात्र, त्याने ऐकले नाही. गाडी पुलाच्या मध्यभागी आल्यावर पाण्याचा जोर जास्त झाला आणि तो तरुण गाडीसह वाहून जात होता. मात्र प्रसंगावधान राखत आजूबाजूच्या तरुणांनी त्यास वाचवले. ही सगळी घटना मोबाईल कॅमेऱ्यात कैद झाली आहे.
पुलावरून वाहून जाणाऱ्या दुचाकीस्वारास लोकांनी वाचवले