देव नदीच्या पुलावरील पाण्याच्या प्रवाहात वाहून गेल्याने एकाचा मृत्यू

वागदरी येथील मृत केरबा मोरे हे रविवार दि.२८ सप्टेंबरला दुपारी १ वाजण्याच्या सुमारास घराबाहेर पडले होते. रात्री उशिरापर्यंत घराकडे परतले नसल्याने कुटुंबीयांनी सर्वत्र शोध घेतला. मात्र, ते कोठेही दिसून आले नाही. याची माहिती कुटुंबीयांच्या वतीने देवणी पोलिसांना संपर्क साधून देण्यात आली होती.

निलंगा (लातूर) -देवणी तालुक्यातील वागदरी येथे देव नदीच्या पुलावरुन पायी चालत जाणारे आजोबा पुराच्या पाण्यात वाहून गेल्याची घटना घडली. त्यानंतर त्यांचा मृतदेह तेथून ८०० मीटर अंतरावर सापडला. केरबा गुंडाजी मोरे (वय ६६ वर्ष) असे मृत आजोबांचे नावा आहे.

याबाबत देवणी पोलीसांकडून मिळालेली अधिक माहिती अशी, की वागदरी येथील मृत केरबा मोरे हे रविवार दि.२८ सप्टेंबरला दुपारी १ वाजण्याच्या सुमारास घराबाहेर पडले होते. रात्री उशिरापर्यंत घराकडे परतले नसल्याने कुटुंबीयांनी सर्वत्र शोध घेतला. मात्र, ते कोठेही दिसून आले नाही. याची माहिती कुटुंबीयांच्या वतीने देवणी पोलिसांना संपर्क साधून देण्यात आली होती.सोमवार दि.२९ सप्टेंबर सकाळी १० वाजण्याच्या सुमारास सदरील पुलाच्या पुर्वेस ८०० मीटर अंतरावर व्यंकट बिरादार यांच्या शेताशेजारी नदीकाठी मृतदेह आढळून आला. या प्रकरणी महादेव केरबा मोरे याच्या फिर्यादीवरून देवणी पोलीस ठाण्यात अकस्मिक मृत्यू नंबर ५७/२०२० कलम १७४ सी.आर.पी.सी प्रमाणे गुन्हा नोंद झाला असून पुढील तपास पोलीस नाईक सरफराज गोलंदाज हे करत आहेत.