लातूर- लोकसभा निवडणुकीदरम्यान मनसेच्या सभांना जनतेचा मोठा प्रतिसाद मिळाल्यानंतर स्थानिक पातळीवरील कार्यकर्त्यांनाही एक नवऊर्जा मिळाली आहे. त्याचाच परिणाम लातूर जिल्ह्यात पाहायला मिळत आहेत. येथील मुख्यमंत्र्यानी दत्तक घेतलेल्या निलंगा तालुक्यातील हलगरा गावात मनसेच्यावतीने टँकरने मोफत पाणी वाटप करण्यात आले.
हलगरा येथे भीषण पाणी टंचाई असून काही मिनिटातच पाणी टँकर रिकामे होतात. मात्र, शासन या ठिकाणी मोजकेच टँकर पाठवत आहे. याचा निषेध करत, या ठिकाणी मनसेने पाणी टँकर दिला आहे. गावातील पाणी टंचाई पाहता जिल्हाध्यक्ष डॉ. नरसिंह भिकाणे यांनी तातडीने स्वखर्चाने टँकर बोलावून जनतेला पाणी वाटप केले.
मुख्यमंत्र्यांच्या दत्तक गावात मनसेकडून टँकरने मोफत पाणीपुरवठा