लातूर- जिल्ह्यात वातावरणातील बदलामुळे डेंग्यूची साथ असून 46 रुग्ण संशयित आढळून आले आहेत. प्रतिबंधात्मक उपाययोजना म्हणून जिल्हा प्रशासन कामाला लागले आहे. तसेच नागिरीकांनीही योग्य ती खबरदारी घेणे आवश्यक असल्याचे जिल्हाधिकारी जी. श्रीकांत यांनी सांगितले आहे.
लातुरात डेंग्यूची साथ, मात्र परिस्थिती आटोक्यात
शहराला 15 दिवसातून एकदा पाणीपुरवठा केला जातो. त्यामुळे 15 दिवस पाणी पुरावे यासाठी त्याचा वापर काटकसरीने केला जातो. मात्र, याच साठवलेल्या स्वच्छ पाण्यामुळे डासांची उत्पत्ती होते. त्यामुळे डेंग्यूची साथ वाढत आहे. त्यामुळे नागरिकांनी आठवड्यातून एक दिवस कोरडा पाळण्याचे आवाहन जिल्हा प्रशासनाच्यावतीने करण्यात आले आहे.