लातूर- जिल्ह्यात कडाक्याची थंडी नसली तरी सोमवारी सकाळी दाट धुक्यात लातूरकर हरवल्याचे पहावयास मिळाले. महिन्याभरापूर्वीही अशाच वातारणाचा सामना नागरिकांना करावा लागला होता. त्यामुळे, बहरत आलेल्या पिकांवर या बदलत्या वातावरणाचा काही दुष्परिणाम होणार का याची धास्ती शेतकऱ्यांमध्ये आहे.
लातुरातील धुक्याबाबत माहिती देताना 'ईटीव्ही भारत' प्रतिनिधी
सोमवारी पहाटे सकाळी ८ नंतर दाट धुके पडण्यास सुरवात झाली होती. मात्र, ढगाळ वातावरणामुळे हवेत गारवा जाणवत नव्हता. या अल्हादायक वातारणाचा मॉर्निंग वॉकला येणाऱ्या नागरिकांनी आनंद लूटला. यापूर्वीही अशा प्रकारचे धुके सबंध जिल्ह्यात पडले होते. त्यावेळी रब्बीतील पिके प्राथमिक अवस्थेत असल्याने रोगराईचा धोका वाढला होता. मात्र, सध्या रब्बीतील पिके बहरत असून या वातावरणाचा काय परिणाम होणार हे पहावे लागणार आहे.