लातूर - उदगीर येथील धनवंतरी आयुर्वेदिक महाविद्यालयात शिक्षण घेत असलेल्या गणेश म्हात्रे याने विष प्राशन करुन आत्महत्या केली. महाविद्यालयातील रॅगिंगला त्रासून गणेशने आत्महत्या केली. या घटनेला महाविद्यालय प्रशासन जबाबदार असल्याचा आरोप त्याच्या नातेवाईकांनी केला आहे. तर हा प्रकार गणेशच्या मूळ गावी झाला, असून महाविद्यालयात रॅगिंगचे प्रकार होत नसल्याचे स्पष्टीकरण प्राचार्य डॉ. दत्ता पाटील यांनी दिले.
नातेवाईक अन् महाविद्यालय प्रशासनात आरोप-प्रत्यारोप
गणेश म्हात्रे हा उदगीर येथील धनवंतरी आयुर्वेदिक महाविद्यालयातील बीएएमएसच्या प्रथम वर्षात शिक्षण घेत होता. काही दिवसांपूर्वी तो नाळवंडी या मूळ गावी गेला होता. शुक्रवारी त्याने विष प्राशन केले, उपचारादरम्यान जिल्हा रुग्णालयात त्याचा मृत्यू झाला. या घटनेला गणेशच्या नातेवाईकांनी धनवंतरी महाविद्यालयाच्या प्रधासनाला जबाबदार धरले आहे.