निलंगा (लातूर) - वंचित बहुजन आघाडीचे अध्यक्ष बाळासाहेब उर्फ अॅड. प्रकाश आंबेडकर यांच्याबद्दल फेसबूकच्या माध्यमातून वादग्रस्त लिखाण केलेल्या त्या तरुणाने अखेर माफी मागितली आहे.
निलंगा तालुक्यातील मौजे मसलगा या गावात राहणाऱ्या एका तरुणाने फेसबुकवर प्रकाश आंबेडकरांबाबत वादग्रस्त मजकूर टाकला होता. याबाबत माहिती मिळताच लातूरचे वंचित बहुजन आघाडीचे जिल्हा उपाध्यक्ष युवराज जोगी यांनी संबंधित तरुण राहत असलेल्या गावातील प्रतिष्ठित नागरिकांशी संपर्क साधला. तेथील पोलीस पाटील, सरपंच व त्या मुलाचे वडिलांना फोनवरून घटनेची माहिती दिली. गावातील सर्व प्रतिष्ठित मंडळींनी त्याला गावासमोर बोलावून घेतले व जाब विचारला व घडलेल्या प्रकाराबाबत माफीचा व्हिडिओ तयार करुन माफी मागायला सांगितली.