कोल्हापुरात सकाळपासून 13 कोरोनामुक्त व्यक्तींना डिस्चार्ज, नव्या रुग्णाची नोंद नाही

दिवसभरात 13 रुग्णांना डिस्चार्ज देण्यात आला असून सकाळपासून एकही नवीन रुग्ण जिल्ह्यात आढळलेला नाही. सद्यस्थितीत कोल्हापूर जिल्ह्यात अ‌ॅक्टिव्ह रुग्णांची संख्या 83 झाली आहे, अशी माहिती जिल्हा शल्यचिकित्सक डॉ. बी.सी. केम्पी-पाटील यांनी दिली.

कोल्हापूर - जिल्ह्यात आज (रविवार) 13 रुग्णांना उपचाराअंती डिस्चार्ज देण्यात आला आहे. तर, दिलासादायक म्हणजे आज जिल्ह्यात एकाही नव्या रुग्णाची नोंद झालेली नाही. आता जिल्ह्यात अ‌ॅक्टिव्ह रुग्णांची संख्या ही 83 झाली आहे.

जिल्ह्यात आजअखेर 720 रुग्णांपैकी 629 जणांना डिस्चार्ज देण्यात आला आहे. आज रात्री 8 वाजेपर्यंत प्राप्त 106 अहवालांपैकी 105 अहवाल निगेटिव्ह तर 1 अहवाल रिजेक्ट करण्यात आला आहे. तर, दिवसभरात 13 रुग्णांना डिस्चार्ज देण्यात आला आहे. सद्यस्थितीत कोल्हापूर जिल्ह्यात अ‌ॅक्टिव्ह रुग्णांची संख्या 83 झाली आहे, अशी माहिती जिल्हा शल्यचिकित्सक डॉ. बी.सी. केम्पी-पाटील यांनी आज दिली. विशेष म्हणजे, सकाळपासून एकही नवीन रुग्ण जिल्ह्यात आढळलेला नाही.

आजअखेर तालुका, नगरपालिका आणि महानगरपालिका क्षेत्रनिहाय रुग्णांची संख्या पुढीलप्रमाणे :

आजरा- 74, भुदरगड- 71, चंदगड- 75, गडहिंग्लज- 81, गगनबावडा- 6, हातकणंगले- 10, कागल- 57, करवीर- 21, पन्हाळा- 27, राधानगरी- 66, शाहुवाडी- 179, शिरोळ- 7, नगरपरिषद क्षेत्र- 11, कोल्हापूर महापालिका क्षेत्र-27 असे एकूण 712 आणि पुणे -1, सोलापूर-3, मुंबई-1, कर्नाटक-2 आणि आंध्रप्रदेश-1 असे इतर जिल्हा व राज्यातील 8 असे मिळून एकूण 720 रुग्णांची आजअखेर जिल्ह्यात संख्या आहे.

जिल्ह्यातील एकूण 720 रुग्णांपैकी 629 रुग्णांना डिस्चार्ज मिळाला असून एकूण 8 जणांचा मृत्यू झाला आहे. आजअखेर जिल्ह्यात उपचारार्थ दाखल असलेल्या रुग्णांची संख्या 83 इतकी आहे.