कोल्हापूर - ओला आणि उबरमुळे देशातील वाहन व्यवसायात मंदी आली असल्याचे अर्थमंत्री निर्मला सीतारामन यांनी म्हटल्यानंतर त्यांच्या या वक्तव्याची अनेकांनी खिल्ली उडवली आहे.
तरुण पिढी ओला व उबरचा वापर करत असल्याने वाहन उद्योगावर परिणाम झाल्याचे वक्तव्य अर्थमंत्री निर्मला सीतारामन यांनी केले होते. यावर स्वाभिमानी शेतकरी संघटनेचे नेते माजी खासदार राजू शेट्टी यांनीसुद्धा त्यांच्या या वक्तव्यावर ट्विटरच्या माध्यमातून प्रतिक्रिया दिली आहे. या प्रतिक्रियेत सीतारामन यांच्या मते मोदी हे ओला आणि उबर हे शहा असल्यामुळे त्यांचे हे वक्तव्य बरोबर असल्याचे म्हणत शेट्टींनी त्यांच्या वक्तव्याची खिल्ली उडवली आहे.