कोल्हापूर - मुख्यमंत्री उद्धव ठाकरे यांनी 'माझे कुटुंब, माझी जबाबदारी' हा उपक्रम संपूर्ण राज्यभरात मोठ्या प्रमाणात राबवण्याचा निर्णय घेतला. 15 सप्टेंबरपासून ते 25 ऑक्टोबरपर्यंत प्रत्येक नागरिकांची आरोग्य तपासणीकरून त्यांना आरोग्यशिक्षण देण्याबाबत ही मोहीम आहे. याची जबाबदारी राज्यातील आशा वर्कर्सला देण्यात आली. मात्र, अद्याप सर्वेक्षणाचे साहित्यच उपलब्ध झाले नसल्याचे अशा वर्कर्सकडून सांगण्यात आले आहे. त्यामुळे सर्वेक्षणाचे साहित्य उपलब्ध झाल्यावरच काम करू, अशी भूमिका कोल्हापुरातल्या शिरोळ भागातील आशांनी घेतली. आशा वर्कर्स युनियनच्यावतीने तालुका आरोग्य अधिकाऱ्यांना याबाबतचे निवेदनही देण्यात आले आहे.
आशा वर्कर्सला सर्वेक्षणाचे साहित्य उपलब्ध झालेले नाही