कोल्हापूर- शहरासह जिल्ह्यातील विविध भागांत पावसाने अक्षरशः झोडपून काढले. मंगळवारी (दि. 8 सप्टें.) सलग दोन तासांहून अधिक काळ ढगफुटीसदृश्य पाऊस झाला. जिल्ह्यातील अनेक ओढ्यांनी रौद्ररूप धारण केले होते. यामुळे पन्हाळा तालुक्यातील शेतकऱ्यांच्या पिकांचे मोठे नुकसान झाले आहे.
पावसाचे रौद्ररुप व बोलताना शेतकरी
पन्हाळा तालुक्यात सुद्धा आजपर्यंत पाहिला नाही, असा दोन तास मुसळधार पाऊस मंगळवारी झाल्याचे स्थानिक नागरिकांतून बोलले जात आहे. मागील एक आठवड्यापासून पावसाने विश्रांती घेतली होती. मात्र, काल सायंकाळी अचानक पावसाने जिल्ह्यात हजेरी लावली होती. अनेक भागात ढगफुटीसदृश्य पाऊस झाला होता.