कोल्हापूर - जिल्ह्यात पावसाचा जोर अद्याप कायम असून पंचगंगा नदीने 38.5 फुटांची पाणी पातळी गाठली आहे. त्यामुळे, नदीची वाटचाल आता इशारा पातळीकडे सुरू असून संभाव्य पूरस्थिती ओळखून येथील चिखलीतील ग्रामस्थांनी आपली जनावरे सुरक्षित स्थळी हलविण्यासाठी सुरुवात केली आहे.
Exclusive : चिखलीतील ग्रामस्थांकडून जनावरांचे स्थलांतर, पुराच्या भीतीने घेतला निर्णय
गेल्या 24 तासांपासून कोल्हापूरच्या पश्चिम भागामध्ये मोठ्या प्रमाणात अतिवृष्टी सुरू आहे. गगनबावडा तालुक्यात सर्वाधिक पावसाची नोंद झाली असून सध्या राधानगरी धरणाचे पाच स्वयंचलित दरवाजे उघडले आहेत. त्यातून जवळपास साडेनऊ हजार क्युसेक इतक्या मोठ्या प्रमाणात पाण्याचा विसर्ग सुरू आहे.