कोल्हापूर- सीएए, एनआरसी प्रकरणावरून देशात सुरू असलेल्या आंदोलनावर बोलताना केंद्रीय सामाजिक न्याय मंत्री रामदास आठवले यांनी शिवसेनेवर निशाणा साधला आहे. बांगलादेशी नागरिकांना हकालण्याची भाषा करणारी शिवसेना आता शांत आहे. त्यामुळे शिवसेना काँग्रेस राष्ट्रवादीची गुलाम झाली आहे का? गुलाम झाली असेल तर मी त्यांना सलाम करतो, असा टोला आठवले यांनी सेनेला लगावला आहे. ते कोल्हापुरात आले होते त्यावेळी बोलत होते.
शिवसेना काँग्रेस-राष्ट्रवादीची गुलाम झाली आहे का? रामदास आठवले यांचा सवाल
सीएए प्रकरणी जमिया मिलिया विद्यापीठावरील पोलिसांची कारवाई सूडबुद्धीने झाली नाही. शिवाय एनआरसी कायदा आसाम पुरता मर्यादित आहे. या कायद्यामुळे मुस्लीम, हिंदू, आदिवासी नागरिकांसह मुळ भारतीयांना त्रास होणार नसल्याचे मतही यावेळी मंत्री आठवले यांनी कोल्हापुरात व्यक्त केले आहे.