कोल्हापूर - दोन दिवसापूर्वी शहरातील उजळाईवाडी उड्डाण पुलाखाली झालेल्या स्फोटात एकजण ठार झाल्याची घटना घडल्यानंतर निवडणूक निकालाच्या पार्श्वभूमीवर जिल्ह्यात पुन्हा मोठा बॉम्बसाठा आढळून आल्याने मोठी खळबळ माजली आहे. उजळाईवाडी स्फोटाचा तपास करत असताना पोलिसांना चौकशी दरम्यान या बॉम्बसाठ्याविषयी माहिती मिळाली. हातकणंगले तालुक्यातील माले मूडशिंगी गावात तब्बल 69 गावठी बॉम्ब सापडल्याने नागरिकांमध्ये या प्रकरणाची जोरदार चर्चा आहे.
स्थानिक गुन्हे शाखेने संबंधित कारवाई केली असून, यामध्ये विलास जाधव, आनंदा जाधव अशा दोन संशयितांना ताब्यात घेण्यात आले आहे.