क्रिकेटच्या वादातून दोन गटामध्ये तुफान दगडफेक, आठ जण जखमी

कोल्हापूर शहरामध्ये लहान मुलांच्या क्रिकेटच्या वादातून दोन गटांमध्ये रात्री तुफान दगडफेक झाली. यात तीन पोलीस कर्मचाऱ्यांसह एकूण ८ जण जखमी झाले आहेत.

कोल्हापूर - शहरातल्या घीसाड गल्ली परिसरात लहान मुलांच्या क्रिकेटच्या वादातून दोन गटांमध्ये रात्री तुफान दगडफेक झाली. या दगडफेकीत एकूण ८ जण जखमी झाले आहेत.
शहरातील लहान मुलांच्या क्रिकेटच्या वादातून दोन गटात दगडफेक आणि बाटल्या फेक झाली. यात तीन पोलीस कर्मचाऱ्यांसह एकूण ८ जण जखमी झाले आहेत. दरम्यान घटनेनंतर कोल्हापूर शहरातील सगळा पोलीस बंदोबस्त याठिकाणी तैनात करण्यात आला आहे.

वादास कारणीभूत असलेल्या दोन्ही बाजूच्या समाजकंटकांवर पोलिसांनी कारवाई करण्यास सुरुवात केली आहे. याचबरोबर नागरिकांना कोणत्याही अफवेवर विश्वास न ठेवण्याचं आवाहनसुद्धा पोलिसांनी केले आहे.