जालना - यंदाच्या पावसामुळे जिल्ह्यातील भोकरदन तालुक्यातील सर्व पाणीसाठे जवळपास पूर्ण भरण्याच्या स्थितीमध्ये आहे. मात्र, अत्यल्प पावसामुळे बदनापूर तालुक्यात असलेला अप्पर दुधना हा सोमठाणा प्रकल्प आजही कोरडाठाक आहे. त्यामुळे १५ गावांच्या पाणीपुरवठ्याचा प्रश्न निर्माण झाला आहे.
कोरडाठाक पडलेला जालन्यातील सोमठाणा प्रकल्प
रेणुकादेवीच्या पायथ्याशी असलेला हा सोमठाणा प्रकल्प सुमारे पन्नास वर्षांपूर्वी तयार करण्यात आला. गेल्या ३१ जानेवारी १९६५ ला तत्कालीन नगरविकास मंत्री डॉक्टर रफिक झकेरिया यांच्या हस्ते या तलावाचे उद्घाटन झाले होते. या तलावातून सोमठाणा गावासह १५ गावांना पाणीपुरवठा करण्यात येतो. मात्र, आतापर्यंत तालुक्यात १६८.५४ मिमी पाऊस अपेक्षित असताना फक्त ८५.८० टक्केच पाऊस पडला आहे. त्यामुळे तलाव कोरडाठाक पडला आहे. परिणामी या परिसरातील गावांना टँकरने पाणीपुरवठा करावा लागत आहे.