जालना- जाफ्राबाद तालुक्यातील पासोडी येथे शिवरात गांजाच्या झाडांची अवैद्यरित्या तस्करी करण्याच्या उद्देशाने शेतामध्ये गांजाच्या झाडांची लागवड केलेल्या शेतात छापा टाकूल 1 क्विंटल 97 किलो वजनाचा 19 लाख 70 हजार रूपये किंमतीचा गांजा जप्त करण्यात आला आहे.
याबाबत पोलिसांकडून मिळालेली माहिती अशी, उपविभागीय पोलीस अधिकारी सुनिल जायभाये यांना मिळालेल्या गोपनीय माहितीच्या आधारे त्या ठिकाणी उपविभागीय पोलीस अधिकारी भोकरदन यांच्या पथकाने छापा टाकून वेगवेगळ्या शेतामध्ये गांजाच्या झाडांची लागवड केल्याचे निदर्शनास आले. वेगवेगळ्या शेतामधून सर्व झाडे पथकाने कायदेशीर कडक कारवाई करत मोठी ओलसर हिरव्या रंगाची 178 एकूण झाडे ताब्यात घेतली. त्याचे वजन केले असता एकूण 1 क्विंटल 97 किलो वजनाची भरली. 19 लाख 70 हजार किमतीचा मुद्देमाल जप्त करून सर्व मुद्देमाल व एका अरोपीस ताब्यात घेतले आहे.