जालना- भोकरदन तालुक्यातील केदारखेडा येथील पूर्णा नदीपात्रामध्ये अवैध वाळूचा उपसा करणाऱ्या वाळू माफियांवर अप्पर पोलीस अधीक्षकांच्या पथकाने छापा मारला होता. या छाप्यात एक जेसीबी व दोन ट्रॅक्टर सोमवारी रात्री पकडले. मात्र ही वाहने पोलीस भोकरदनकडे घेवून येत असताना वाळू तस्करांनी जीप आडवी लावून वाहने नेण्यास विरोध केला. त्यामुळे शासकीय कामात अडथळा निर्माण केल्याप्रकरणी आठ जणांविरुद्ध भोकरदन पोलीस ठाण्यात गुन्हा दाखल करण्यात आला.
अवैध वाळू उपसाप्रकरण; शासकीय कामात अडथळा, ८ वाळू माफियाविरोधात गुन्हा