Danve Mahajan Corona Positive : रावसाहेब दानवे आणि गिरीष महाजन कोरोनाग्रस्त

केंद्रीय मंत्री रावसाहेब दानवे यांना कोरोनाची लागण ( Minister Raosaheb Danve Corona Positive ) झाली आहे. सोशल मीडियाच्या माध्यमातून त्यांनी ही माहिती दिली आहे. तसेच, संपर्कांत आलेल्यांना चाचणी करण्याचे आवाहन त्यांनी केले आहे.

जालना : राज्यात कोरोनाची रुग्णसंख्या झपाट्याने वाढत ( Maharashtra Corona Cases Increased ) आहे. यामध्ये अनेक मंत्री, आमदार आणि खासदारांनाही कोरोनाची लागण झाली ( Maharashtra Minister Mla Positive ) आहे. आता केंद्रीय मंत्री रावसाहेब दानवे यांना कोरोनाची ( Minister Raosaheb Danve Corona Positive ) लागण झाली आहे. सोशल मीडियाच्या माध्यमातून त्यांनी ही माहिती दिली.

आपल्या फेसबुक अकाऊंट वरुन रावसाहेब दानवे यांनी एक पोस्ट केली आहे. त्यात त्यांनी म्हटलं की, "कोरोनाची लक्षणे जाणवू लागल्याने माझी कोरोना टेस्ट केली असता ती पॉझिटिव्ह आली आहे. पुढील काही दिवस डॉक्टरांच्या सल्ल्याने मी आयसोलेशन मध्ये आहे. तसेच, माझ्या संपर्कांत आलेल्यांनी स्वत:ची तात्काळ टेस्ट करावी, असे आवाहनही त्यांनी यावेळी केले आहे."

गिरीष महाजनही कोरोना संसर्गित

माजी मंत्री गिरीष महाजन यांचा कोरोना चाचणी अहवाल ( Former Minister Girish Mahajan Corona Positive ) कोरोना संसर्गित आला आहे. महाजन हे गेल्या दोन दिवसांपासून मतदार संघात दौरे करत आहे. शनिवारी ( 8 जानेवारी ) त्यांच्या हस्ते विविध कामांचे भूमिपूजनही पार पडणार होते. मात्र, त्यापुर्वीच त्यांना कोरोनाची लागण झाली आहे. ते स्वत: विलगीकरणात गेले असून, संपर्कात आलेल्यांना कोरोना चाचणी करण्याचे आवाहन महाजन यांनी केले आहे.

हेही वाचा -Saamana Editorial: संयुक्त संसदीय समिती स्थापन करा 'दुध का दुध पानी का पानी' होईल