जालना -सावित्रीमाई फुले स्मृती ज्योती समितीतर्फे जागतिक महिला दिनानिमित्त स्मृती ज्योत यात्रा काढली जाते. राजमाता जिजाऊ यांचे जन्मस्थान असलेल्या सिंदखेडराजा येथून क्रांतिज्योती सावित्रीबाई फुले यांचे जन्मस्थान असलेल्या नायगाव गावापर्यंत स्मृती ज्योत आणली जाते. या स्मृती ज्योतीचे रविवारी जालन्यातील बदनापूर येथे स्वागत करण्यात आले.
'सिंदखेडराजा ते नायगाव' स्मृती ज्योतीचे बदनापुरात जोरदार स्वागत
हेही वाचा..."मिलिंद एकबोटेंना वढू गावात जाण्यास बंदी घालावी"
दरवर्षी जागतिक महिला दिनानिमित्त (8 मार्च) बुलडाण्या जिल्ह्यातील सिंदखेडराजा येथून सावित्रीबाई फुले यांचे जन्मगाव असलेल्या नायगाव येथपर्यंत 'स्मृती ज्योती यात्रा' काढण्यात येते. सिंदखेडराजा येथील दीपक ठाकरे हे या यात्रेचे आयोजन करतात. सावित्रीबाई फुले यांचे जन्मगाव असलेल्या नायगाव येथे सावित्री सृष्टी निर्माण कार्यासाठी ते या यात्रेचे आयोजन करतात.