जालना -रस्त्याने जाणाऱ्या तरुणाचे अपहरण करून, त्याच्यावर चाकू हल्ला केल्याची घटना जालन्यात घडली आहे. यावेळी तरुणाला आरोपींनी मारहाण देखील केली आहे. वैभव रवींद्र गुप्ता असे या तरुणाचे नाव आहे. या प्रकराने जुना जालन्याच्या डबल जीन परिसरात खळबळ उडाली आहे.पहाटे सहा वाजेच्या सुमारास ही घटना घडली.
तरुणावर चाकू हल्ला
वैभव गुप्ता हे सकाळी सहाच्या सुमारास डबल जीन परिसरातून शनी मंदिर चौकाकडे जात असतांना, पाठीमागून आलेल्या दोन जणांनी त्यांना चाकूचा धाक दाखवून दुचाकीवर बसवले. त्यानंतर ही दुचाकी घोगरे क्रीडासंकुलात आणली गेली. तीथे तूच वैभव आहेस का? आमच्या रस्त्यातून बाजूला हो, नाहीतर तीस तारखेला बघ काय होते ?असे म्हणत आरोपींनी त्याला मारहाण केली, तसेच त्याच्यावर चाकू हल्ला केला.