जालना -अन्न व औषध प्रशासनाच्या नाकावर टिच्चून सदर बाजार पोलिसांनी लाखो रुपयांचा गुटखा पकडला आहे. खरेतर ही कारवाई अन्न व औषध प्रशासनाची असताना देखील सदर बाजार पोलिसांनी केली आहे. या कारवाईमुळे अन्न व औषध प्रशासनामध्ये प्रचंड नाराजी आहे आणि ती नाराजी अधिकाऱ्यांच्या काम करण्याच्या पद्धतीवरून दिसून येत आहे.
अवैध गुटखा पकडण्यात सदर बाजार पोलिसांना यश
राज्यात बंदी असलेला गुटखा पकडण्यात सदर बाजार पोलिसांना यश आले आहे. रविवारी रात्री गस्तीवर असताना पोलिसांना एक संशयित टाटा सुमो वाहन येताना दिसले. या चारचाकीला थांबवायला सांगितले असता ती न थांबल्याने पोलिसांनी तिचा पाठलाग केला. दरम्यान, चारचाकीत असलेल्यांनी गाडी मध्येच थांबवून पळ काढला. पोलिसांनी चारचाकी ताब्यात घेतली असता त्यात त्यांना सफेद रंगाच्या पोतड्यांमध्ये गुटखा, एक मोबाईल आणि ३५ हजार रोख आढळून आले.