जालना- केंद्र सरकारने 370 कलम हटवले त्यामुळे काश्मिरी जनता खऱ्या अर्थाने आता भारतीय झाली आहे. तसेच केंद्रीय गृहमंत्री अमित शाह यांनी पाकव्याप्त काश्मीर ताब्यात घेण्याच्या हालचाली सुरू केल्या आहेत. त्याचे आपण स्वागत करू, असे आवाहन राज्याचे पाणीपुरवठा मंत्री बबनराव लोणीकर यांनी केले.
जिल्हाधिकारी कार्यालयाच्या प्रांगणात शासकीय ध्वजारोहण सोहळा पालकमंत्री लोणीकरांच्या हस्ते संपन्न
जिल्हाधिकारी कार्यालयाच्या प्रांगणात मुख्य शासकीय ध्वजारोहण त्यांच्या हस्ते करण्यात आला. यावेळी राज्यमंत्री अर्जुन खोतकर, जिल्हाधिकारी रवींद्र बिनवडे, पोलीस अधीक्षक एस.चैतन्य, अप्पर पोलीस अधीक्षक समाधान पवार, निवासी उपजिल्हाधिकारी सोहम वायाळ, जिल्हा परिषदेच्या मुख्य कार्यकारी अधिकारी निमा अरोरा यांच्यासह अनेक मान्यवर उपस्थित होते.