जळगाव - शहरातील मूळजी जेठा महाविद्यालयातील विद्यार्थ्याच्या खुनाप्रकरणी आज आदिवासी वाल्मिकलव्य सेनेतर्फे जळगाव जिल्हाधिकारी कार्यालयावर मोर्चा काढण्यात आला. यावेळी मुकेश सपकाळे या विद्यार्थ्याच्या मारेकऱ्यांना फाशीची शिक्षा देण्याची मागणी करण्यात आली.
आदिवासी वाल्मिकलव्य सेना आक्रमक
जळगावात काही दिवसांपूर्वी मूळजी जेठा महाविद्यालयात 6 गुंडांनी दुचाकीचा धक्का लागल्याच्या कारणावरून मुकेश सपकाळे या विद्यार्थ्यावर चॉपरने हल्ला केला होता. त्यामध्ये त्याचा मृत्यू झाला होता. या घटनेमुळे विद्यार्थीवर्गात भीतीचे वातावरण निर्माण झाले आहे. त्यामुळे अशा गुंड प्रवृत्तीला आळा बसणे गरजेचे आहे. सपकाळे या विद्यार्थ्याच्या मारेकऱ्यांना फासीची शिक्षा व्हावी, अशी मागणी आदिवासी वाल्मिकलव्य सेनेतर्फे करण्यात आली.