जळगाव - चाळीसगाव तालुक्यातील वडगाव लांबे गावात ग्रामपंचायत निवडणुकीच्या निकालानंतर दोन गटात धुमश्चक्री झाली. दोन्ही गटातील सदस्य एकमेकांनी लाठ्या-काठ्या, लोखंडी रॉड तसेच तलवारीने हल्ले केले. या घटनेत तीन जण गंभीर जखमी झाले आहेत. याप्रकरणी मेहुणबारे पोलीस ठाण्यात दोन्ही गटाने परस्परविरोधी दिलेल्या तक्रारीवरून 34 जणांविरुद्ध गुन्हे दाखल करण्यात आले आहेत.
जळगाव : निवडणूक निकालानंतर दोन गटात धुमश्चक्री; एकमेकांवरील सशस्त्र हल्ल्यात तिघे गंभीर - ग्रामपंचायत निवडणूक दोन गट भिडले
निवडणुकीच्या वादातून निकालानंतर दोन गटात हाणामारी झाल्याची घटना घडली आहे. दोन्ही गटातील सदस्य एकमेकांनी लाठ्या-काठ्या, लोखंडी रॉड तसेच तलवारीने हल्ले केले. या घटनेत तीन जण गंभीर जखमी झाले आहेत.
निवडणूक निकालानंतर दोन गटात धुमश्चक्री
काय आहे घटना?
चाळीसगाव तालुक्यातील वडगाव लांबे या गावात प्रकाश निळकंठ पाटील यांच्या पॅनेलने नऊपैकी आठ जागांवर विजय मिळवला. यानंतर प्रकाश पाटील हे गावातील मतदारांकडे जाऊन औक्षण करून घेत होते. याच दरम्यान, पाटील यांच्या विरोधात असलेल्या पॅनलच्या लोकांनी त्यांच्यावर सशस्त्र हल्ला चढवला. लोखंडी रॉड, लाठ्या-काठ्या, तलवारीने प्रकाश पाटील यांच्या गटातील लोकांवर हल्ला करण्यात आला. या प्रकरणी मेहुणबारे पोलीस ठाण्यात संतोष पाटील, सोमसिंग पाटील, योगेश पाटील, मंगलसिंग पाटील, मानसिंग पाटील, संजय पाटील, अमरसिंग पाटील, केतनसिंग पाटील, भगवान पाटील, सुमेरसिंग पाटील, हेमंत पाटील, निलेश पाटील, विजयसिंह पाटील, अरुण पाटील, लखनसिंग पाटील, कुणाल पाटील, महेंद्र पाटील, महेश पाटील, रवींद्र पाटील, भूषण पाटील, बिजेसिंग पाटील, अजयसिंग पाटील व देवराज पाटील या 23 जणांविरुद्ध प्राणघातक हल्ला मारहाण आणि शिवीगाळ केल्याचा गुन्हा दाखल करण्यात आला आहे. या गटातील 23 जणांपैकी पोलिसांनी 9 जणांना अटक केली आहे.
निवडणूक निकालानंतर दोन गटात धुमश्चक्री
वकिलाच्या घरावरही झाला हल्ला-
या घटनेत एका वकिलाच्या घरावरही हल्ला झाला. आरोपींनी ऍड. हर्षल सुरजसिंग पाटील यांच्या घरावर हल्ला करत त्यांच्या कुटुंबीयांना जीवे ठार मारण्याची धमकी दिली. याप्रकरणी अॅड. पाटील यांनी दिलेल्या तक्रारीवरून 6 जणांवर गुन्हा दाखल करण्यात आला आहे.
Last Updated : Jan 20, 2021, 9:23 AM IST