जळगाव- मध्यप्रदेशातून चोरट्या मार्गाने महाराष्ट्रात विक्रीसाठी आणला जाणारा सुमारे १० लाख रुपयांचा अवैध गुटखा जप्त करण्यात आला आहे. चोपडा ग्रामीण पोलिसांनी ही कारवाई केली आहे. महाराष्ट्र आणि मध्यप्रदेशच्या सिमेवर असलेल्या चोपडा तालुक्यातील सत्रासेन गावाजवळ ही कारवाई करण्यात आली आहे.
अटक केलेले आरोपी व जप्त केलेल्या गुटख्यासह चोपडा ग्रामीण पोलीस
जिल्ह्यातील चोपडा तालुक्यात असलेल्या सत्रासेन गावाजवळ मध्यप्रदेशातून अवैधरित्या आणला जाणारा सुमारे १० लाख रुपयांचा गुटखा चोपडा ग्रामीण पोलिसांनी जप्त केला आहे. एका मिनी ट्रकमधून वाहतूक करून आणलेल्या या गुटख्याचा पंचनामा करून तो जळगाव इथल्या अन्न व औषध प्रशासन अधिकाऱ्यांच्या ताब्यात देण्यात आला आहे. याप्रकरणी पोलिसांनी वाहन चालकास अटक केली आहे.